തിരുനക്കര മഹാദേവക്ഷേത്രം
കേരളത്തിലെ കോട്ടയം ജില്ലയിലെ തിരുനക്കരയിൽ കോട്ടയം നഗര ഹൃദയത്തിൽ സ്ഥിതിചെയ്യുന്ന അതിപുരാതന
ശിവക്ഷേത്രമാണ് തിരുനക്കര
മഹാദേവക്ഷേത്രം
ഇവിടെ ശിവപ്രതിഷ്ഠാ സദാശിവ രൂപത്തിൽ പാർവ്വതീപരമേശ്വരനാണ്
പ്രതിഷ്ഠാസങ്കല്പം .തിരുനക്കര ക്ഷേത്ര ചരിത്രവും ഐതിഹ്യവും തെക്കുംകൂര്
രാജവംശവുമായി ബന്ധപെട്ടിരിക്കുന്നു. എല്ലാ മാസവും കൃത്യമായി തൃശൂരിലെ വടക്കുന്നാഥ ക്ഷേത്രത്തിൽ ദർശനം നടത്തിയിരുന്ന ഒരു തെക്കും കൂർ രാജാവ് പ്രായാധിക്യത്താൽ
അതിനു കഴിയാതെ വന്നപ്പോൾ മനസ്സുരുകി വടക്കുന്നാഥനോടു പ്രാർഥിച്ചു. ഉറക്കത്തിൽ
രാജാവിനു ദർശനം നല്കിയ ഭഗവാൻ തനിക്ക് നക്കരകുന്നിൽ ക്ഷേത്രം പണിതാൽ അവിടെ
കുടികൊണ്ട് ദർശനം നല്കാമെന്നരുളി. സ്വപ്നത്തിൽ ലഭിച്ച ഈശ്വരകല്പന പ്രകാരം
വടക്കുംനാഥ ഭക്തനായ തെക്കുംകൂര് രാജാവ് പണി കഴിപ്പിച്ചതാണ് ലക്ഷണമൊത്ത തിരുനക്കര
മഹാദേവ ക്ഷേത്രം എന്നാണ് ഐതിഹ്യം ........
തിരുനക്കര ക്ഷേത്രത്തിലെ ചുവർച്ചിത്രങ്ങളും, ദാരുശില്പങ്ങളും, ശിലാപ്രതിമകളും വളരെ
പ്രസിദ്ധമാണ്. അഷ്ടദിക്പാലകർ, മഹേശ്വരൻ, പാർവ്വതി,ഗണപതി തുടങ്ങിയ ശില്പങ്ങളും, ശാസ്താവ്, നരസിംഹാവതാരം, ത്രിപുരസുന്ദരി, പാർവ്വതിയുടെ തപസ്സ്, പാലാഴിമഥനം, ദുർഗ, ബ്രഹ്മാവ്, വേണുഗാനം തുടങ്ങിയ
ചുവർച്ചിത്രങ്ങളും ഇവിടെ കാണാം. ചെമ്പു മേഞ്ഞ ശ്രീകോവിലും സ്വർണ ധ്വജവും
ക്ഷേത്രത്തിന്റെ പഴയകാല പ്രൗഢി നിലനിറുത്തുന്നു. അടുത്ത കാലത്ത് കോട്ടയം നഗരത്തെ ചുമര്ചിത്ര നഗരി ആയി തെരഞ്ഞെടുത്തത്
പ്രധാനമായും ഇവിടുത്തെ ചുമര്ചിത്രങ്ങള് കണ്ടാണ്.. തിരുനക്കര മൈതാനവും
ക്ഷേത്രവും, ക്ഷേത്ര ഗോപുരവും കോട്ടയം നഗരത്തില് ഏവരെയും ആകര്ഷിക്കുന്ന ഒന്നാണ്
...
വടക്കു ഭാഗത്തുള്ള വെളുത്ത ചെത്തിയും മണ്ഡപത്തിന്റെ മധ്യത്തിൽ
ശയിക്കുന്ന വൃഷഭവും ഭഗവാൻ നക്കരകുന്നിൽ എത്തിയപ്പോൾ കൂടെയുണ്ടായിരുന്നുവെന്നാണ്
ഐതിഹ്യം. വൃഷഭ വിഗ്രഹത്തിന്റെ ഉള്ളിൽ
നിന്നെടുക്കുന്ന നെല്ല് വയറുവേദനയ്ക്ക് സിദ്ധൗഷധമായി ഭക്തർ കരുതുന്നു. ധാരയും മൃത്യുഞ്ജയ ഹോമവുമാണ് ഇവിടത്തെ പ്രധാന വഴിപാടുകൾ.
വർഷത്തിൽ മൂന്ന് ഉത്സവങ്ങളുണ്ടെങ്കിലും ഏറ്റവും പ്രധാനം മീനമാസത്തിലെ പൈങ്കുനി
ഉത്സവമാണ്, തിരുനക്കര ഉത്സവതിനോട് അനുബന്ധിച്ചുള്ള തിരുനക്കര പൂരവും ഇപ്പോള്
പ്രശസ്തം ആണ് ........ ഇപ്പോൾ തിരുവിതാംകൂർ ദേവസ്വം ബോർഡിന്റെ വകയാണ് ഈ ക്ഷേത്രം..
വടക്കും നാഥ സങ്കല്പത്തില് ആണ് പ്രതിഷ്ഠ, എങ്കിലു ചടങ്ങുകള് അവിടുതെതില്
നിന്ന് വ്യത്യസ്തം ആണ്,,,
No comments:
Post a Comment